Pada pagi ahad 1/8/2010 yang lopeh..Pokan Sonaling di lando satu musibah yang sodih sokali.. Lobih kurang 4 buah kodai tobakar..dopan kodai use car Ah Meng.. Kalu nak di kiro an ni la baru potamo kali kodai kek sonaling tu tobakar... sobolom ni tak ponah pun jadi.. Dongar2 cito org dokek2 tu mulo ea .. pagi... lobih kurang 3 sotongah la..., abih soderet kodai tu..satu pun tak tingga... mulo dari kodai bini Tai San (Kodai baru ea.., kodai lamo ea dah tutup..dah pindah..) sampai la kek kodai moto lamo Ah Meng..,
Nak dijadi an coghito plak air paip tak do..., mungkin itu la sobab ea apo pun tak dapek nak di solamatkan..., masalah air ni pun poning gak pak cik nak coghito an,,, dah lamo dah mcm ni..., maso korajaan jago air maghrin tak do plak mcm ni..., manjang ado yo air..., bilo swasta jago...dah mulo deh buek porangai..., kadang2 malam ador..siang tak dor la.. kadang2 malam yo plak..tak dor.. siang ador.., tu pun dah puko sopuluh baru sampai..., susah ea bilo nak konduri..., kuk ador komatian ko..., mcm2 la kan..., kito ni hari2 nak pakai air.., bilo di tanyo kek org SAINS tu.. jawab ea air tak cukup la... kono anta air kek Somonanti la..., Sobonar ea pak cik ador yo warikh2 yang kojo kek JBA tu (Sains pun samo yo deh..) Dio kobar an kek pak cik...tak ponah air orang sonaling ni bokongsi dgn orang Sonanti do....,, lain paip ea.. dio kobar la..., tapi pak cik pun cayo gak apo yang di kobar an nyor tu.., yo lah dio org lamo kan..tak kan la dio nak buek pombongak plak..., laie pun dio kojo air ni maso korajaan maghrin laie.., pencen pun dalam JBA.. tau bona deh coghito ea tu.., jadi pak su yang tak tahu ni di aka2 jo la kek budak2 Sains tu.. yo lah.. org tak tahu..,
Balik kito coghito pasa kodai yang tobakar tadi... pak su pun tau dah pagi... biaso la pagi2 ahad pak su memang goma poie sonaling boli surat koba kek kodai jimat tu ( kodai kotuo kg sonaling yang baru..) Dio la bocoghito...pak su ador kek situ..apo laie..torus la poie molawat plak... kuk sapo2 nak nengok gambar kojadian tu ador la pak su download duo tigo koping...
